Antonio-Muinos_Portomuinos_108x92Antonio Muíños e Tino Otero, xerente e chef da Aula de Cociña Portumuíños, respectivamente, impartirán esta tarde (17.30 a 19.30h) o curso “Innovación e excelencia na cociña: slow food, pesca sostible e aproveitamento innovador dos produtos do mar na cociña e na carta” organizado por Mar de Sada. “O coñecemento non é facer algo que funcione noutro lado, senón coñecer as posibilidades que ofrecen os produtos na cociña para facer pratos con identidade propia e diferenciarse”, asegura o máximo responsable desta empresa familiar que comercializa algas, ademais de investigar, cultivar e recolectar estes vexetais mariños por toda a costa galega, incluída Sada. Portomuíños tamén é proveedor dos mellores restaurantes do país e comercializa para particulares.

 

Antonio-Muinos_empresa-PortomuinosEn que vai consistir o taller?

Está dentro da temática de innovación e excelencia na cociña que se iniciou co showcooking do cociñeiro Adrián Felípez. Durante este taller veremos como utilizar produtos de ecogastronomía como algas e vexetais mariños que os hostaleiros de Sada teñen na súa ría e como os poden utilizar. A segunda parte enfocarase como un showcooking no que o noso chef, Tino Otero, preparará varios pratos para que os asistentes vexan, de forma práctica, como innovar con estes produtos.

 

Recollen este vexetais e algas aquí en Sada?

Sada é unha das zonas de extracción que temos en Galicia. Tanto a recollida dunhas coma doutros está regulada por plans de extracción oficiais (permex).

 

Cal é a idea básica que quere transmitir aos asistentes?

É preciso que busquen a maneira de construír unha identidade propia dentro da comarca. A excelencia está na innovación permanente. Coñecer este vexetais mariños e algas non quere dicir que os vaian usar, pero si que saiban das súas posibilidades para, por exemplo, elaborar pratos nos que os combinen con outros produtos do mar tan típicos alí como a xibia ou a sardiña.

 

Vai contar algún caso de éxito?

Participamos en moitas charlas nas que ensinamos a facer pratos con identidade propia para diferenciarse. Se a unhas ameixas, en lugar de perexil se lle bota leituga de mar, isto é un valor engadido. Sobre todo porque este molusco nace en simbiose coa alga. Ao final, o coñecemento non é facer algo que funcione noutro lado, senón coñecer as posibilidades que ofrecen os produtos na cociña como un risotto con algas ou un peixe envolto con algas. A xente non o fai porque descoñece estas alternativas.

 

Ás veces cústalles saír da zona de confort…

Hai que facer cambios para que a xente nos poida sinalar como un lugar no que se fai algo distinto. Nós damos estas charlas e co con que só a un dos presentes lle encaixe o que contamos, só por iso paga a pena.

 

Hai pouco colaborou co programa “De puerto en puerto”, de Canal Cocina.

Foi unha experiencia moi interesante na que participei recollendo algas. É un programa moi enriquecedor porque buscan o contacto coa xente. Aquí na Coruña fixeron un programa que lles encantou e incluso houbo sitios que non lles dou tempo a gravar por falta de tempo.

Deixa unha resposta

O teu enderezo electrónico non se publicará Os campos obrigatorios están marcados con *

Facebook IconYouTube IconTwitter Icon